機艙廣播丨快運機務長溫提乘客7°C返工注意保暖　港女感窩心：心情稍有好轉

在飛機航班上，一般只有冷冰冰的機艙廣播，日前香港快運一班從日本大阪返港的航班，乘客卻聽到一段暖心廣播。一名港女在社交平台上拍片分享，在該航班飛抵香港後，聽到一名男機艙服務員用廣東話廣播，著乘客不要太傷心難過，且翌日天氣低至7度，提醒乘客返工要注意保暖，讓本來心情不佳的港女感到窩心：「落機心情稍稍轉好。」

最新影片推介：

該名港女昨天（23日）在其instagram專頁分布了一段短片，稱日前乘搭香港快運航班從日本大阪回程返港。當航班安全降落地面後，一名男機艙服務員用廣東話作廣播機艙廣播，並非平日聽到一本正經的「多謝乘搭」之言，而是以幽默語氣向乘客慰問道：

都希望你唔好太過傷心同埋難過，始終你哋啱啱去完大阪，跟住又要搭我哋香港快運去東京、名古屋咁樣。

機務長：返工搵錢無可避免

機艙服務員深知很多乘客返港後對即將上班感到失落，且氣溫即將急降，會失去上班動力，故繼續安慰乘客，並提醒大家注意保暖。「返工搵錢係無可避免㗎，不過好遺憾嘅係，聽日（氣溫）會跌到落7度。早啲休息，聽日再著多啲衫，好好上路。好，各位返工加油，拜拜。」

▼點擊圖片放大

+4

+3

在影片末段聽到有零碎的掌聲。港女在帖文中表示，自己在回程當天稍有不快之事，全日都感到好灰、好繃緊，多謝機艙服務員送上幽默窩心祝福。

落機心情稍稍轉好，起碼全日第一微微笑返……人生的確需要幽默感。

網民讚幽默 惟4個字惹爭議

大部分網民均讚揚該名機艙服務員充滿幽默感，用廣東話廣播也很有親切感；惟機艙服務員一句「好好上路」引起網民爭論，認為在航班上說出來「大吉利是」，「好好上路，開飛機咁講好咩」、「可唔可以唔好用『上路』……點解銀耳」，不過有人卻正面解讀：

點解大家覺得好好上路係指嗰程飛機嘅，我一直都以為佢係指我著多啲衫好好上路返工搵錢，唔會覺得唔pro 呀，佢講中我嘅心聲呀。

有網民更表示剛乘搭同一航班，證實該名男機艙服務員是機務長，其中一名港媽直指他為人風趣，還慰問幾位小朋友是否做完功課，同樣贈了「四字詞」：「佢問咗幾個小朋友都未做晒功課，叫佢哋快啲做埋佢『時日無多』，大人唔好為咗去福岡搞到第日工都唔返，大家聽日繼續安心上路。」

【爸媽必Follow】全新TOPick親子IG現已推出！立即睇︰https://bit.ly/3BN0C4s

1月是小學測考季，TOPick推出中英數常免費試題下載區，立即下載免費試題備戰測考：中英數常試題

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5

責任編輯：王明芳